कल्याण-मुरबाड रस्त्यावर दुचाकीस्वाराचा मृत्यू

कल्याण-मुरबाड रस्त्यावर दुचाकीस्वाराचा मृत्यू
मुरबाड, ता. ३ (वार्ताहर) : कल्याणनगर महामार्गांवर हिंदू सेवा संघ मामनोलीजवळ झालेल्या अपघातात दुचाकीस्वार जागीच ठार झाला. घाटकोपर येथील एक तरुण पंढरपूरला जात असताना हिंदू सेवा संघ मामनोलीजवळ त्याची दुचाकी चिखल असल्याने घसरली. त्याचवेळी मागून आलेल्या डम्प‍रने जोरदार धडक दिल्याने दुचाकीस्वाराचा जागीच मृत्यू झाला. या अपघाताचा पुढील तपास पोलिस करत आहेत. विशेष म्हणजे, रस्ता रुंदीकरण करण्यासाठी खोदकाम केल्याने रस्त्यावर मोठ्या प्रमाणात चिखल झाला आहे. यावरून दुचाकी घसरून अपघाताच्या घटना घडत असल्याची माहिती समोर आली आहे.