लैंगिक शिक्षण अभियानास सुरुवात

लैंगिक शिक्षण अभियानास सुरुवात
खोपोली, ता. ५ (बातमीदार) ः सहज सेवा फाउंडेशनच्या वतीने समाजात नानाविध उपक्रम राबविले जातात. खोपोली परिसरातील शाळा व महाविद्यालय येथे विद्यार्थ्यांसाठी लैंगिक शिक्षण हा उपक्रम समाजातील काळाची गरज आहे. या भावनेने या उपक्रमाचा हिंदी विद्यालय, खोपोली येथून शुभारंभ करण्यात आला. शाळेत व महाविद्यालयीन शिक्षण घेत असताना अनेक विद्यार्थी व विद्यार्थिनीमध्ये सामाजिक समस्या, लैंगिक समस्या व शंका असतात. आजही समाजात मोकळेपणाने या विषयावर संवाद साधला जात नाही. समाजात असलेल्या अज्ञानामुळे विपरीत परिणामसुद्धा शालेय व महाविद्यालयीन जीवनात विद्यार्थ्यांच्या जडणघडणीवर होत असतात. सहजसेवा फाउंडेशनच्या माध्यमातून शुक्रवारी (ता. ४) शहरी व ग्रामीण भागातील शाळांमधील विद्यार्थ्यांमध्ये जागरूकता निर्माण करण्यासाठी समुपदेशन व लैंगिक शिक्षण या विषयावर मार्गदर्शन करण्यात आले.