रोटरी क्लब खोपोलीच्या अध्यक्ष पदी सुनीता चव्हाण यांची नियुक्ती

रोटरी क्लब खोपोलीच्या अध्यक्षपदी सुनीता चव्हाण
खोपोली, ता. ५ (बातमीदार) ः रोटरी क्लब खोपोलीच्या अध्यक्षपदी सुनीता चव्हाण यांची नियुक्ती करण्यात आली. या वेळी माजी अध्यक्ष मिलिंद बोधनकर यांनी आपल्या अध्यक्षपदाची सूत्रे सुनीता चव्हाण यांना दिली. तसेच सेक्रेटरीपदी डॉ. नलिनी रामस्वामी यांची नियुक्ती झाली.
हा कार्यक्रम रोटरी क्लब हॉल सहकार नगर येथे झाला.
या वेळी मागील वर्षभरातील रोटरीच्या उपक्रमांची माहिती चलचित्रासहित रोटरी क्लब मावळते सेक्रेटरी दिवाकरन पिल्ले यांनी सादर केली. या कार्यक्रमात प्रमुख पाहुणे पीडिजी मोहन पालेशा व एजीई आशीष मेहता उपस्थित होते. रोटरी क्लब खोपोलीचा या वर्षीचा वर्मा मेमोरियल पुरस्कार हा सामाजिक कार्यकर्ते राजाराम कुंभार यांना मंजू वर्मा व उपस्थित मान्यवर यांच्या हस्ते देण्यात आला. या कार्यक्रमप्रसंगी ब्राम्हण सभा अध्यक्ष राजेंद्र पेठे, सेक्रेटरी वृषाली बेलसरे, इनरव्हिल क्लबच्या उपाध्यक्षा दिना शहा, खजिनदार मधुमीता पाटील, हास्य क्लबचे संस्थापक ओसवाल, अल्टा कंपनीचे मॅनेजर बाळासाहेब म्हात्रे, रोटरी क्लब लोणावळा, रोटरी क्लब कर्जत, इन्ट्रॅक्ट क्लब, रोट्रेक्ट क्लब आदी सदस्य उपस्थित होते.

फोटो ओळ
खोपोली : मावळते अध्यक्ष मिलिंद बोधनकर यांनी आपल्या अध्यक्षपदाची सूत्रे नवनिर्वाचित अध्यक्ष सुनीता चव्हाण यांना सुपूर्द केली.
(छायाचित्र : अनिल पाटील )