दादासाहेब मो . कृ. वाणी विद्यालयात साक्षरतेची दिंडी

वाणी विद्यालयात साक्षरतेची दिंडी
डोंबिवली, ता. ५ : दादासाहेब मो. कृ. वाणी प्राथमिक विद्यालयात आषाढी एकादशीनिमित्त विद्यार्थ्यांची दिंडी आयोजित करण्यात आली होती. विद्यार्थ्यांनी वारकरी वेशभूषेत मोठ्या उत्साहात सहभाग घेतला. विठूरायाची पालखी घेत साक्षरता अभियानाचा संदेश दिला. हरिनामाचा गजर तसेच विविध भजन व अभंग म्हणत ज्ञान मंदिर विद्या संकुल ते गणेश मंदिर निवासी विभागातून दिंडी काढण्यात आली. या वेळी विद्यार्थ्यांना सकाळ एनआयई अंकाचे वाटप करण्यात आले. तसेच सकाळ प्रतिनिधीमार्फत विद्यार्थ्यांना मार्गदर्शन करण्यात आले. शाळेच्या प्राथमिक विभागाचे मुख्याध्यापक दीपक परदेशी यांच्या मार्गदर्शनाखाली सर्व शिक्षक व विद्यार्थ्यांनी मोठ्या उत्साहात सहभाग घेतला.