मराठी विजयी मेळावा प्रतिक्रिया

मराठी विजयी मेळावा प्रतिक्रिया

दोघेही ठाकरे बंधू एकत्र आल्याने आज आमच्यासाठी आनंदाचा क्षण आहे. हिंदीसक्तीविरोधातील मुद्दा योग्यच आहे. आजच्या घडीला मराठीचा टक्का कमी होत आहे. ठाकरे बंधू एकत्र आल्याने मराठी माणसाची ताकद वाढली असून, त्यांचा रक्षणकर्ता आला आहे. येणाऱ्या पालिका निवडणुकीत दोघेही एकत्र निवडणूक लढतील आणि यापुढे मराठी माणसाच्या न्याय्य हक्कासाठी लढून त्यांना पाठबळ देतील.
- जीवन म्हात्रे, विक्रोळी
------
ठाकरे बंधू एकत्र यावे, ही सर्वांची इच्छा होती ती पूर्ण झाली. त्यामुळे राजकारणाला एक वेगळी दिशा मिळेल. मुंबईत परप्रांतीयांची दादागिरी वाढली आहे, त्यालाही आळा बसेल. आगामी पालिका निवडणुकीतही दोघे एकत्रित लढून मराठी टिकवण्याचे काम करतील, अशी अपेक्षा आहे.
- भूषण पाटील, वरळी
----
मुंबईत राहायचे तर मराठी आलेच पाहिजे आणि आपल्या मराठीचा अभिमान सर्वांनी बाळगलाच पाहिजे. मुंबईत राहून गुजरातचा जयजयकार करण्यापेक्षा मराठी समृद्ध करायला हवी. उद्धव ठाकरे आणि राज ठाकरे एकत्र आल्याने आम्हाला पाठबळ मिळाले आहे. येणाऱ्या पालिका निवडणुकीत चित्र बदल्याचे दिसून येईल.
- लक्ष्मण भोसले, ज्येष्ठ शिवसैनिक, प्रभादेवी
----
मराठी माणसासाठी दोघांनीही एकत्र येणे गरजेचे होते. महाराष्ट्र टिकवायचा असेल तर हे होणे तितकेच गरजेचे होते. त्यामुळे आमच्यासाठी हा आनंदचा क्षण आहे. आता मराठी माणसाला भक्कम पाठिंबा मिळेल. आगामी पालिका निवडणुकीत दोन्ही बंधू एकत्र येऊन लढतील आणि राजकारणाला एक वेगळी दिशा देतील.
- राजेंद्र पवार, विरार