कल्याण रेल्वे समांतर रस्त्यावर खड्डे

कल्याण रेल्वे समांतर रस्त्यावर खड्डे

Published on

कल्याण रेल्वे समांतर रस्त्यावर खड्डे
सकाळ वृत्तसेवा
डोंबिवली, ता. ६ : कल्याण-डोंबिवली शहरातील बहुतांश रस्त्यावर खड्डे पडल्याने रस्त्यांची दुरवस्था झाली आहे. अनेकदा वाहनचालकांना रस्त्यावरील खड्ड्यांचा अंदाज येत नसल्याने वाहन खड्ड्यात आदळून अपघात होत आहेत. कल्याण रेल्वे समांतर रस्त्याचीदेखील खड्डे पडून चाळण झाली आहे. हे खड्डे बुजवण्याऐवजी त्यात वाहतूक बॅरिअर टाकून ठेवण्यात आले आहेत. यामुळे लांबूनच जणू चालकांना हे बॅरिअर खड्डा दिसला का, असे खुणावत आहेत. या रस्त्याची स्थिती पाहिली तर खड्ड्यातून रस्ता शोधणे कठीण झाले आहे. रस्ता दुभाजकाच्या ठिकाणी तर रस्त्यावर तळे साचले आहे.

कल्याण-डोंबिवली शहराच्या मध्यभागी ठाकुर्ली शहर आहे. कल्याण-डोंबिवली शहराला जोडणारा ठाकुर्ली येथील रेल्वे समांतर रस्त्याची खड्डे पडून दुरवस्था झाली आहे. ठिकठिकाणी रस्त्यावर खड्डे पडल्याने चालकांना वाहन चालवताना कसरत करावी लागत आहे. पावसाचे पाणी साचल्याने या खड्ड्यांचा अंदाज न आल्याने वाहने आदळून अपघात होत आहेत. गतिरोधकांच्या ठिकाणीदेखील खड्डे पडल्याने पाण्याचे तळे साचले आहे. या पाण्यातून वाहने हळू जात असली तरी दुचाकीस्वारांचा तोल जाऊन डगमगत आहेत.

पाठीमागून अवजड वाहन आल्यास अपघात होण्याची भीती व्यक्त होत आहे. खड्डे चुकवण्यासाठी दुचाकी व रिक्षाचालक रस्त्याच्या कडेने वाहने चालवतात. यामुळे पादचाऱ्यांनादेखील त्रास होत आहे. रस्त्यावर पडलेल्या मोठ्या खड्ड्याचा अंदाज येत नसल्याने या खड्ड्यात चक्क वाहतुकीला अडथळा निर्माण करण्यासाठी वापरले जाणारे बॅरिअर्स टाकण्यात आले आहे. हे बॅरिअर्स लांबूनच चालकांना धोका असल्याचे खुणावत आहेत.

पावसाळ्यात डांबरीकरण
ऐन पावसाळ्यात या मार्गावर खड्डे बुजवण्यासाठी डांबरीकरण केले होते. पावसाने ते उखडून गेले असून पुन्हा रस्तावरील खड्डे उघडे पडले आहेत. जड-अवजड वाहनांची वाहतूक या मार्गाने होते. कल्याणहून डोंबिवली शहरात जायचे असल्यास हा मार्ग जवळचा आहे. त्यामुळे पत्रीपुलाजवळ वळण घेऊन वाहनचालक याचा वापर करतात.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com