रस्त्यांवर लोंबकळणाऱ्या जीवघेण्या वायरी अद्याप कायम
लोंबकळणाऱ्या वीजवाहक तारा ठरताहेत जीवघेण्या
तुर्भे, ता. ६ (बातमीदार) : संपूर्ण शहरामध्ये इंटरनेटचे जाळे पसरले असून, या लोंबकळणाऱ्या वीजवाहक तारा जीवघेण्या ठरू लागल्या आहेत. या वीजवाहक तारांमुळे नवी मुंबई महापालिकेच्या समाजविकास विभागातील कर्मचाऱ्याला जीव गमवावा लागल्याची घटना घडली. असे असतानाही अद्याप शहरात रस्ते, विद्युत दिव्यांचे खांब, पदपथ, बाजारपेठा, उद्याने या ठिकाणी वीजवाहक तारांचे जाळे कायम आहे.
दुचाकीवरून पालिकेत कामावर येणाऱ्या अमर सावंत यांचा पाय वीजवाहक तारेत अडकल्याने ते खाली पडले आणि पाठीमागून आलेल्या कारने त्यांना धडक दिली. २४ जूनला सीबीडी येथे ही घटना घडली, तरीदेखील अतिक्रमणविरोधी आणि विद्युत विभाग यांच्याकडून केबल आणि इंटरनेट चालकांवर प्रभावी कारवाई करण्यात आलेली नाही. त्यावरून प्रशासनाचे केबल, इंटरनेट व्यावसायिकांशी अर्थपूर्ण संबंध तर नाहीत ना, अशी शंका सर्वसामान्यांना निर्माण झाली आहे.
सोसाट्याच्या वाऱ्याने किंवा व्यावसायिक स्पर्धेत कापल्या जाणाऱ्या वीजवाहक तारा रस्त्यांवर जागोजागी लोंबकळत आहेत. सीबीडी, नेरूळ, जुईनगर, सानपाडा, तुर्भे, वाशी, कोपरखैरणे, ऐरोली, दिघा तसेच एमआयडीसी परिसरातील सर्व विद्युत दिव्यांच्या खांब्यांवर इंटरनेट आणि केबलच्या वीजवाहक तारा दिसून येत आहेत. याप्रकरणी कारवाई करण्यास चालढकल करणाऱ्या कर्मचारी आणि अधिकाऱ्यांना कारणे दाखवा नोटीस बजावून त्यांच्यावर कठोर कारवाई करण्यात यावी, अशी मागणी सर्वसामान्य जनतेतून केली जात आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.