द्रुतगती मार्गावर वाहनाच्या धडकेत बिबट्या ठार

द्रुतगती मार्गावर वाहनाच्या धडकेत बिबट्या ठार

खालापूर, ता. ६ (बातमीदार) : मुंबई-पुणे द्रुतगती मार्गावर बोर घाटात अज्ञात वाहनाच्या धडकेत बिबट्याचा एक वर्षाचा बछडा ठार झाल्याची घटना शनिवारी (ता. ५) रात्री दोन वाजण्याच्या सुमारास घडली. बोर घाटात यापूर्वी बिबट्याचा वावर आढळून आला होता. द्रुतगती मार्गाच्या कडेला गवतात मृत बिबट्या असल्याची माहिती मिळाल्यानंतर बोरघाट पोलिस, वन विभाग कर्मचारी त्या ठिकाणी पोहोचले. साधारण एक वर्ष वयाचा बिबट्याला गंभीर दुखापत झाल्याने त्याचा मृत झाला आहे.