शेकापच्या विविध पदाधिकाऱ्यांना नियुक्तीपत्र प्रदान

शेकापच्या विविध पदाधिकाऱ्यांना नियुक्तिपत्र प्रदान
अलिबाग, ता. ७ (वार्ताहर) ः शेतकरी कामगार पक्षातील विविध आघाडीच्या पदाधिकारी, सदस्यांना नियुक्तिपत्र वाटपाचा कार्यक्रम शेकाप भवन येथील सभागृहात नुकताच पार पडला. या वेळी शेकाप राज्य मीडिया सेल अध्यक्ष तथा प्रवक्त्या चित्रलेखा पाटील, राजिप माजी अध्यक्षा सुप्रिया पाटील, शेकाप जिल्हा सहचिटणीस ॲड. गौतम पाटील, माजी नगराध्यक्ष प्रशांत नाईक, शेकाप कामगार आघाडीचे प्रमुख प्रदीप नाईक, शेकापचे ज्येष्ठ नेते शंकरराव म्हात्रे आदी पदाधिकारी व कार्यकर्ते उपस्थित होते.
या वेळी शेकापच्या जिल्हा सहचिटणीसपदी ॲड. गौतम पाटील, जिल्हा कार्यालयीन चिटणीसपदी अजय झुंजारराव, पदसिद्ध सदस्यपदी सुप्रिया पाटील, शंकरराव म्हात्रे, द्वारकानाथ नाईक, प्रशांत नाईक, चित्रलेखा पाटील, ॲड. मानसी म्हात्रे, प्रदीप नाईक यांना नियुक्तिपत्र देण्यात आले. तसेच जिल्हा परिषद गट, शेतकरी सभा, शेती मजूर आघाडी, महामार्गबाधित शेतकरी, कामगार आघाडी, पुरोगामी शिक्षक शिक्षकेतर आघाडी, मच्छीमार, सोशल मीडिया, विद्यार्थी संघटना, क्रीडा, अनुसूचित जमाती, व्यापारी सेल, आपत्कालीन कार्य वैद्यकीय सेवा सेल, महिला आघाडी, तालुका चिटणीस, विभागीय चिटणीस, पुरोगामी युवक संघटना, तालुका अधिवक्ता, अल्पसंख्याक आघाडी, सांस्कृतिक कला सेल, तसेच अलिबाग शहरप्रमुखसह वेगवेगळ्या सेलच्या पदाधिकारी व सदस्यांना नियुक्तिपत्र मान्यवरांच्या हस्ते देण्यात आले. शेतकरी कामगार पक्षाच्या माध्यमातून वेगवेगळी विकासकामे करण्यात आली आहेत. वेगवेगळ्या संस्था उभारून अनेकांना रोजगाराचे दालन उभे केले आहे. नागरिकांच्या हिताची कामेही शेतकरी कामगार पक्षाच्या माध्यमातूनच झाली आहेत. त्यामुळे कितीही वादळे आली, तरीही शेतकरी कामगार पक्ष कधीही डगमगणारा पक्ष नाही. शेकापचे नेते जयंत पाटील यांच्या नेतृत्वाखाली आणि मार्गदर्शनाखाली पक्ष अधिक उंचीवर नेण्यासाठी प्रत्येकाने काम केले पाहिजे. आगामी काळात निवडणुका होणार आहेत. स्थानिक स्वराज्य संस्थांच्या या निवडणुकांमध्ये जास्तीत जास्त जागा जिंकून लाल बावटा फडकविण्यासाठी कामाला लागा, असे आवाहन प्रवक्त्या चित्रलेखा पाटील यांनी केले.