पोलादपूर तालुक्यात वृक्ष पडण्याच्या घटनेत वाढ

पोलादपूर तालुक्यात वृक्ष पडण्याच्या घटनेत वाढ
पोलादपूर, ता. ९ (बातमीदार) ः पोलादपूर तालुक्यात पावसामुळे मागील दोन महिन्यांत वृक्ष पडण्याच्या घटनेत कमालीची वाढ झाली आहे. मेपासून आतापर्यंत किमान १२ वृक्ष कोसळल्याची घटना घडली आहे. त्‍यामुळे संबंधित प्रशासनाने महामार्गासह शहरातील धोकादायक वृक्षांची छाटणी करावी, अशी मागणी वाहनचालकांसह नागरिकांकडून करण्यात येत आहे. पोलादपूर तालुक्यातील दुर्गम भागासह मुख्य मार्गावर मुसळधार पावसात झाड अथवा झाडाच्या मोठ्या फांद्या पडण्याचे प्रमाण वाढले आहे. नुकतेच कापडे कामथे मार्गवर गोपालवाडीजवळ झाड पडले होते. संबंधित प्रशासनाकडून हे झाड बाजूला करण्यात आले, तर पोलादपूर महाबळेश्वर मार्गावरील आडगावच्या असपास झाड पडल्याची घटना समजताच तत्काळ आपत्ती निवारण मार्फत संबंधित झाड बाजूला करण्यात आले. सुदैवाने या घटनेत कोणतीही जीवितहानी झाली नाही, मात्र पावसाळापूर्व शहरातील धोकादायक झाडे पाडण्यात प्रशासन हलगर्जी करत असल्याचे बोलले जात आहे.