स्विमिंग पूल मध्ये बुडून मृत्यू

तरणतलावात बुडून तरुणाचा मृत्यू

मनोर, ता. ७ : मुंबई-अहमदाबाद महामार्गावरील चिल्हार फाटा येथील बंगल्यात मित्रांसोबत सहलीसाठी आलेल्या एका युवकाचा तरणतलावात बुडून मृत्यू झाला. ही घटना रविवारी (ता. ६) सायंकाळी घडली. उमेश यादव (वय ३०) असे मृताचे नाव असून तो वसई तालुक्यातील नवघर पूर्वेकडील संभाजीनगरमध्ये राहत होता. उमेश ही रविवारी सायंकाळी चिल्हार फाट्यावरील बंगलो प्रोजेक्टमधील लोबो-६९ या फार्महाउसमध्ये सहलीसाठी आला होता. मौजमजा केल्यानंतर तो तरणतलावात पोहण्यासाठी उतरला होता; मात्र पाण्याच्या खोलीचा अंदाज न आल्याने त्याचा बुडून मृत्यू झाला. याप्रकरणी मनोर पोलिस ठाण्यात अपमृत्यूची नोंद करण्यात आली आहे.