आरोग्य उपकेंद्राच्या इमारतीचे भूमिपूजन

पडघा (बातमीदार)ः येथील प्राथमिक आरोग्य केंद्राच्या अखत्यारीत कुरूंद ग्रुप ग्रामपंचायतीत विविध गाव, पाड्यांतील नागरिकांच्या उपचारासाठी उपकेंद्राच्या नवीन इमारतीचे काम पूर्ण झाले आहे. सरपंच दीपाली केदार यांच्या वाढदिवसाचे औचित्य साधून सोमवारी (ता. ७) आमदार शांताराम मोरे यांच्या हस्ते श्रीफळ वाढवण्यात आले. जीर्ण झालेल्या इमारतीचे जिल्हा परिषद आरोग्य विभाग फंडातून बांधकाम केले जाणार आहे. या वेळी उपसरपंच निकीता जाधव, ग्रामपंचायत सदस्य श्रीकांत गायकर, संदीप काठोळे, जान्हवी पाटील, भावना सांबरे, ग्रामपंचायत अधिकारी नितीन देशमुख, कुरूंद सोसायटीचे संचालक विलास पाटील, भगवान सांबरे, विनोद पाटील, समाजसेवक रमेश पाटील, जगदीश पाटील उपस्थित होते.