वाढीव टप्पा अनुदानासाठी लढा

भिवंडी, ता. ८ (वार्ताहर)ः विनाअनुदानित शाळांना वाढीव टप्पा अनुदान मिळावे, यासाठी शिक्षक समन्वय संघ, महाराष्ट्र राज्य यांच्याकडून ८ व ९ जुलै रोजी शाळा बंद आंदोलन केले जाणार आहे. या आंदोलनाला शिक्षक क्रांती संघटनेने पाठिंबा दिला आहे.
विनाअनुदानित शाळांमागे असलेला कायम शब्द वगळलेल्या विनाअनुदानित शाळांना अनुदान देण्याचे धोरण महाराष्ट्र शासनाने स्वीकारले. प्रचलित अनुदान धोरणानुसार दरवर्षी वेतन अनुदानाचा टप्पा २० टक्क्याने वाढत होता, परंतु कालांतराने गोरगरिबांची मुले शिकत असलेल्या शाळांना वेतन अनुदान देण्यास शासन उदासीन दिसत आहे. शासन आदेश पारित होऊनही अनुदान वितरणाची प्रत्यक्ष अंमलबजावणी होत नसल्याबद्दल सुधीर घागस यांनी विनाअनुदानित शाळा व तुकड्यांवर काम करणाऱ्या शालेय कर्मचाऱ्यांच्या भावनांशी खेळत आहे. शिक्षक समन्वय संघांच्या वतीने १४ ऑक्टोबर २०२४ च्या जीआरनुसार वेतन अनुदान वितरणाची मागणीसाठी शाळाबंद आंदोलन पुकारले आहे. आझाद मैदानातील आंदोलनाला महाराष्ट्र राज्य शिक्षण क्रांती संघटनेचा पाठिंबा दिला आहे.