वाढदिवसाला ४०० झाडांचे वृक्षारोपण

टोकावडे (बातमीदार)ः नांदगाव येथील बापूसाहेब देशमुख शैक्षणिक संकुल संचालित सिद्धीज इन्स्टिट्यूट ऑफ फार्मसीचे अध्यक्ष संतोष देशमुख यांच्या ५३व्या वाढदिवसानिमित्त महाविद्यालय परिसरात ४०० जैविक औषधी वनस्पतींचे रोपण करण्यात आले. राष्ट्रीय सेवा योजना विभागाच्या सहकार्याने राबवलेल्या उपक्रमात महाविद्यालयातील विद्यार्थी तसेच कर्मचारी सहभागी झाले होते. पर्यावरण संवर्धन आणि वैयक्तिक जबाबदारीचा संदेश देणारा हा वैयक्तिक झाड-नाव उपक्रम विशेष लक्षवेधी ठरला. कार्यक्रमास संस्थेचे अध्यक्ष संतोष देशमुख, प्राचार्य डॉ. रजनीकांत काकडे, सर्व प्राध्यापक, शिक्षकेतर कर्मचारी व विद्यार्थी मोठ्या संख्येने उपस्थित होते.