वरूणराजाची कृपादृष्टी

शहापूर, ता. ८ (वार्ताहर) : तालुक्यात यंदा मेमध्येच अवकाळी पावसाला सुरुवात झाली होती. त्यानंतर मॉन्सूनचे आगमन झाल्याने दरवर्षीपेक्षा यंदा पाटबंधारे खात्याचे सात, मृद जलसंधारणाचे सात तसेच १३ पाझर तलाव ओसंडून वाहत आहेत. त्यामुळे वरुण राजाची शहापूरवर कृपादृष्टी झाली आहे.
शहापूर सिंचन शाखेच्या अखत्यारीतील सहा, मुरबाड तालुक्यातील एक, अशी सात धरणे व मृद व जलसंधारण उपविभागाच्या अखत्यारीतील सात धरणे तसेच ठाणे जिल्हा परिषदेचे १३ पाझर तलाव मंगळवारी भरून वाहू लागले आहेत, तर मानेखिंड, अल्याणी तसेच याच उपविभागाच्या अखत्यारीतील मुरबाड तालुक्यातील सोनावळे, विढे, हिरेघर, घोरले ही धरणेदेखील काठोकाठ भरली आहेत, पण गळतीचे प्रमाण अधिक असल्याने साठवणुकीची क्षमता कमी आहे, तर ठाणे जिल्हा परिषदेचे तालुक्यातील नडगाव, टहारपूर, उंब्रई, बेडीसगाव, साठगाव, कानवे, मळेगाव, अस्नोली, टेंभूर्ली, साखरोली, खातिवली, दहिवली आणि अघई असे १३ पाझर तलाव पूर्ण क्षमतेने भरल्याने भविष्यातील पाण्याची समस्या दूर झाली आहे.
--------------------------------------------
धरण पाणीक्षमता (दलघनमीटर)
आदिवली २.२२
डोळखांब ४.७०३
मुसई ३.८००
खराडे २.२५४
जांभे ५.१८१
वेहळोली ३.२४५
खांडपे २.०५९
कुंडणपाडा १०६.१०