''गायत्री-एआय''च्या भारतातील पहिल्या ''एआय''आधारित ''वेलनेस सेंटर''चे उद्घाटन

‘गायत्री’च्या एआय आधारित वेलनेस सेंटरचे उद्‍घाटन
मुंबई, ता. ८ ः भारताच्या वेलनेस क्षेत्रासाठी एक ऐतिहासिक पर्वणी ठरलेल्या गायत्री-एआयने सोमवारी (ता. ७) मुंबईतील अंधेरी येथे त्यांचे एआय आधारित क्वांटम वेलनेस सेंटर सुरू केले. क्वालिमाइंड्स कॉर्प सर्व्हिसेस लिमिटेडचे मुख्य कार्यकारी अधिकारी (सीईओ) आणि व्यवस्थापकीय संचालक (एमडी) आणि फार्मा उद्योगातील व्यावसायिक के. आनंद वेंकट राव, तसेच बॉलीवूडमधील कलाकारांच्या प्रमुख उपस्थितीत क्वांटम वेलनेस सेंटरचा उद्‍घाटन सोहळा पार पडला. या कार्यक्रमाच्या निमित्ताने भारतात अतिशय सुलभ आणि एआय आधारित सकल रोगनिवारक उपचार पद्धतीच्या (थेरपी) एका नवीन युगाची सुरुवात झाली आहे.
गायत्री-एआयमध्ये आम्ही प्रत्येक व्यक्तीला त्यांच्या आरोग्याची निरंतर जबाबदारी घेण्यास सक्षम बनवण्यावर विश्वास ठेवतो, असे अध्यक्ष आणि व्यवस्थापकीय संचालक धर्मप्रकाश त्रिपाठी म्हणाले. गायत्री-एआयच्या संस्थापक शोभना डीपी त्रिपाठी म्हणाल्या की, आमची परिसंस्था तंत्रज्ञान, अंत:स्फूर्ती आणि करुणा यांना एकत्रित करून त्या प्रवासाला अर्थपूर्णपणे सहकार्य करते.
क्वालिमाइंड्स कॉर्प सर्व्हिसेसचे एमडी आणि सीईओ, डॉ. रेड्डीज लॅबोरेटरीजचे माजी उपाध्यक्ष, लुपिनचे माजी अध्यक्ष, ग्लेनमार्कचे माजी अध्यक्ष, कॅडिला (झायडीज)चे माजी उपाध्यक्ष आणि जागतिक प्रमुख आणि निकोलस पिरामलचे माजी उपाध्यक्ष के. आनंद वेंकट राव प्रमुख मान्यवर म्हणून उपस्थित होते. याप्रसंगी त्यांनी हे केंद्र संपूर्ण भारतात आरोग्य सक्षमीकरणाच्या चळवळीला प्रेरणा देईल, असा विश्वास व्यक्त केला. या सोहळ्याला ईशा कोप्पीकर आणि निहारिका रायजादा या कलाकार उपस्थित होत्या.