अविनाश जाधव यांना अटक केल्याच्या निषेधार्थ भिवंडीत मनसे कार्यकर्ताचा आत्मदहनाचा प्रयत्न

भिवंडीत मनसे कार्यकर्त्याचा आत्मदहनाचा प्रयत्न
भिवंडी, ता. ८ (वार्ताहर) : मिरा-भाईंदर येथे ‘मराठी’साठी काढण्यात आलेल्या मार्चाच्या पार्श्‍वभूमीवर पोलिसांनी धरपकड करीत मनसे नेते अविनाश जाधव यांना मंगळवारी (ता. ८) पहाटे तीन वाजताच्या सुमारास घरातून ताब्यात घेत स्थानबद्ध करून ठेवले होते. याविरोधात अविनाश जाधव यांना तत्काळ सोडावे व मराठी माणसांवरील अन्याय थांबवावा, या मागणीसाठी भिवंडीतील मनसे विभागप्रमुख सुशील आवटे यांनी छत्रपती शिवाजी महाराज चौकात अंगावर रॉकेल ओतून घेत आत्मदहनाचा प्रयत्न केला. या वेळी निजामपुरा पोलिसांनी प्रसंगावधान दाखवत आवटे यास ताब्यात घेतले.