साचणाऱ्या पाण्यामुळे वाहतुकीची कोंडी

साचणाऱ्या पाण्यामुळे वाहतुकीची कोंडी
कांदिवलीत वाहनचालकांसह प्रवाशांचे हाल
कांदिवली, ता. ९ (बातमीदार) ः कांदिवलीमधील सखल भागामध्ये पाणी साचत असल्‍याने वाहतूक काेंडी होत आहे. वाहनचालकांसह प्रवाशांना याचा नाहक त्रास सहन करावा लागत आहे.
पाणी साचणाऱ्या भागात पालिकेने योग्य उपाययोजना करून वाहनचालकांसह प्रवाशांना दिलासा द्यावा, अशी मागणी वाहनचालकांमध्ये जोर धरू लागली आहे. पालिकेच्या वतीने मोठ्या प्रमाणात रस्ते, पदपथ, गटारे आदी कामे करण्यात आली.
कांदिवली पूर्वेला द्रुतगती मार्गाहून ठाकूर कॉम्प्लेक्सकडे जाणारा मार्ग, आकुर्ली या मुख्य मार्गाहून बोरिवलीकडे जाणाऱ्या मार्गाच्या कोपऱ्यावर, कांदिवली पश्चिमेला पोईसर भुयारी मार्गात, जिमखाण्याकडे जाणारा सिग्नल चौक, स्वामी विवेकानंद मार्ग, निर्मल महाविद्यालयासमोर महात्मा गांधी मार्गावर पाणी साचते.