आरोग्य व्यवस्था होणार बळकट
आरोग्य व्यवस्था होणार बळकट
सामाजिक संस्‍थेबरोबर सामंजस्य करार; सात तालुक्यांमध्ये आरोग्य सुधारण्यास हातभार
अलिबाग, ता. ९ (वार्ताहर) ः रायगड जिल्ह्यातील आरोग्यसेवांच्या उपलब्धतेमध्ये सुधारणा करण्यासाठी आणि आरोग्यसेवांची गुणवत्ता वाढवण्यासाठी स्वदेस फाउंडेशन आणि जिल्हा सार्वजनिक आरोग्य विभाग यांच्यात नुकताच जिल्हाधिकारी कार्यालय येथे जिल्हाधिकारी किशन जावळे व जिल्हा परिषद मुख्य कार्यकारी अधिकारी नेहा भोसले यांच्या उपस्थितीत सामंजस्य करार करण्यात आला. यामुळे ग्रामीण भागातील आरोग्य व्यवस्था बळकट करण्यासाठी हातभार लागणार आहे. रायगड जिल्ह्यामधील महाड, पोलादपूर, माणगाव, तळा, श्रीवर्धन, म्हसळा व सुधागड आदी तालुक्यांमध्ये आरोग्य व्यवस्थेबाबत काम होणार आहे.
या वेळी उपजिल्हाधिकारी (सा. प्र.) रवींद्र शेळके, उपमुख्य कार्यकारी अधिकारी राजेंद्र भालेराव, प्रकल्प संचालक जिल्हा ग्रामीण यंत्रणा प्रियदर्शनी मोरे, तसेच स्वदेस फाउंडेशनचे संचालक प्रदीप साठे, तुषार इनामदार, वरिष्ठ व्यवस्थापक नजीर शिकलगार व मेघना फडके व सहाय्यक व्यवस्थापक जुलेखा शेख उपस्थित होते. जिल्हा शल्यचिकित्सक डॉ. निशिकांत पाटील व जिल्हा आरोग्य अधिकारी यांच्या वतीने डॉ. नितीन बावडेकर, स्वदेस फाउंडेशन यांच्या वतीने मंगेश वांगे, मुख्य कार्यकारी अधिकारी आणि डॉ. सुरेंद्र यादव, उपसंचालक आरोग्य-स्वदेस फाउंडेशन यांनी सामंजस्य करारनाम्यावर स्वाक्षरी केली. महाराष्ट्र राज्य सार्वजनिक आरोग्य विभागाचे सचिव डॉ. निपुण विनायक यांच्या मार्गदर्शनाखाली आणि सूचनेनुसार हा सामंजस्य करार करण्यात आला आहे. या कराराचा मुख्य उद्देश शासनाच्या आरोग्यसेवा मजबूत करणे आणि ग्रामीण समुदायांसाठी दर्जेदार आरोग्यसेवा पुरवण्यात मदत करणे हा आहे.
........................
ग्रामीण सक्षमीकरणासाठी पाऊल
स्वदेस फाउंडेशन आणि रायगड जिल्हा सार्वजनिक आरोग्य विभाग यांच्यामार्फत सार्वजनिक आरोग्य व्यवस्थेला अधिक बळकट करण्यासाठी मदत होणार आहे. ही भागीदारी समुदायावर आधारित शासकीय आरोग्य कार्यक्रमांबाबत जनजागृती वाढवेल आणि अत्यावश्यक आरोग्यसेवा शेवटच्या टप्प्यापर्यंत पोहोचविण्यासाठी प्रयत्न करणार आहे. सामंजस्य करारामुळे स्वदेस फाउंडेशनच्या माध्यमातून रायगड जिल्ह्यामधील महाड, पोलादपूर, माणगाव, तळा, श्रीवर्धन, म्हसळा व सुधागड या तालुक्यांमध्ये ग्रामीण सक्षमीकरणासाठी समग्र दृष्टिकोनातून फायदा होणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.