बिर्ला कॉलेज विभागीय शाखेच्या वतीने विद्यार्थ्यांचा गुणगौरव

कल्याण (वार्ताहर) : शिवसेना बिर्ला कॉलेज विभागीय शाखा यांच्या वतीने प्रभागातील विद्यार्थ्यांचा गुणगौरव सोहळा, तसेच शैक्षणिक साहित्य वाटप व ज्येष्ठ नागरिकांना छत्री वाटप कार्यक्रमाचे आयोजन सिद्धिविनायक हॉलमध्ये नुकतेच करण्यात आले. दहावी व बारावी परीक्षेत गुणवंत विद्यार्थ्यांचा सन्मान करण्यात आला. शालेय विद्यार्थ्यांना वह्यावाटप व ज्येष्ठ नागरिकांना छत्रीवाटप करण्यात आले. याप्रसंगी आमदार विश्वनाथ भोईर, जिल्हाप्रमुख अरविंद मोरे, शहरप्रमुख रवी पाटील, उपनेत्या विजया पोटे, जिल्हा संघटक छाया वाघमारे, महिला शहर संघटक नेत्रा उगले, माजी नगरसेवक संजय पाटील, युवा सेना शहरप्रमुख सुजीत रोकडे, युवासेनेचे उपशहरप्रमुख अनिरुद्ध पाटील, युवा सेना जिल्हा सचिव योगेश पाटील, शहर समन्वयक राम मुसळे, विभाग प्रमुख संजय रजपूत, उपविभाग प्रमुख दीपक धनावडे, अजय हिरवे, शाखाप्रमुख पंढरीनाथ राऊळ, दिलीप सातारकर, सुनील वाघ, महिला आघाडीच्या उपशहर संघटक अंजली भोईर, विभाग संघटक शिरीन पठाण, शाखा संघटक सुचिता मोरे, वंदना जळवी, मनाली जाधव, अस्मिता नाईक यांच्यासह प्रभागातील नागरिक उपस्थित होते. कार्यक्रमाचे आयोजन युवासेनेचे उपशहर प्रमुख अनिरुद्ध पाटील यांनी केले होते.