हरवलेले १७० महागडे मोबाईल मूळ मालकांना सुपूर्द
घाटकोपर, ता. ९ (बातमीदार) ः मुंबई शहरात मोबाईल गहाळ किंवा चोरीला गेल्याच्या घटना अनेकदा घडतात. अशाच घाटकोपर पोलिस ठाण्यात हरवलेले किंवा चोरीला गेलेले १७० महागडे मोबाईल त्यांच्या मूळ मालकांना सुपूर्द करण्यात आले. त्यांच्या या कामाचे सर्वच स्तरातून कौतुक होत आहे.
परिमंडळ ७ चे पोलिस उपायुक्त राकेश ओला, सहाय्यक पोलिस आयुक्त शैलेश पासलवार, वरिष्ठ पोलिस निरीक्षक बळवंत देशमुख, पोलिस निरीक्षक दिपाली कुलकर्णी यांच्या मार्गदर्शनाखाली मोबाईल चोरी प्रतिबंधक पथकाचे पोलिस उपनिरीक्षक पांडुरंग साळुंखे, अंमलदार दीपक भारती, नीलेश पवार, अमोल सूर्यवंशी, अजय अहिरे यांनी मोबाईलचा शोध घेतला. सीईआयआर या पोर्टलच्या माहितीच्या आधारे तांत्रिक व मानवी कौशल्याच्या वापर करून चोरलेल्या मोबाईलचे वापरकर्ता यांचा शोध घेऊन मुंबई तसेच गुजरात, उत्तर प्रदेश, झारखंड, बिहार, पश्चिम बंगाल अशा विविध परराज्यांतून एकूण १७० मोबाईल ताब्यात घेतले आहेत आणि ते मूळ मालकांना सुपूर्द करण्यात आले.
फोटो ओळ : हरवलेले महागडे मोबाईल मूळ मालकांना सुपूर्द केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.