ज्ञानरचनावादावर आधारित पुस्तकांचे मोफत वाटप

ज्ञानरचनावादावर आधारित पुस्तकांचे मोफत वाटप
नवीन पनवेल, ता. ९ (बातमीदार) ः ज्ञानरचनावाद व अध्ययन निष्पत्तीवर आधारित स्वाध्याय पुस्तकांचे ४० विद्यार्थ्यांना मोफत वाटप करण्यात आले. महाराष्ट्र राज्य नगरपालिका व महानगरपालिका शिक्षक संघाच्या राज्य उपाध्यक्षा ज्योस्त्ना भरडा यांनी स्वखर्चातून महापालिकेच्या श्रीगणेश विद्यामंदिरात विद्यार्थ्यांना शुक्रवारी (ता. ४) पुस्तकांचे वाटप केले.
तिसरीच्या विद्यार्थ्यांना ज्ञानरचनावाद, अध्ययन निष्पत्ती व विशेषत: शिष्यवृत्ती तयारी हे उद्दीष्ट ठेवून त्यावर आधारित स्वाध्याय पुस्तिका मोफत देण्यात आल्या. या वेळी केंद्रप्रमुख वैभव पाटील, मुख्याध्यापिका सुमन हिलम यांच्यासह शिक्षक व शिक्षकेतर कर्मचारी उपस्थित होते.

फोटो ओळी ः नवीन पनवेल ः शिक्षिका ज्योत्स्ना भरडा यांनी मुलांना ज्ञानरचानावादावर आधारित पुस्तके दिली.