उपनगरातील चेंबूर, कुर्ला,गोवंडी मार्गावर खड्डे

उपनगरातील मार्गावर खड्डे
अपघात होण्याची शक्यता; पालिकेचे दुर्लक्ष
चेंबूर, ता. ९ (बातमीदार) ः उपनगरातील चेंबूर, कुर्ला, गोवंडी, विक्रोळी भागातील रस्त्यांवर मोठ्या प्रमाणात खड्डे पडले आहे. पावसामुळे खड्ड्यांत आणखीनच वाढ झालेली आहे. त्यामुळे वाहनचालकांना वाहने चालविणे अवघड झाले आहे.
अनेक मार्गांवर शाळा-महाविद्यालये आहेत. त्यामुळे विद्यार्थी, वाहनचालकांस व स्थानिक नागरिकांना ये-जा करताना नाहक त्रास सहन करावा लागत आहे. या खड्ड्यांमुळे अनेक ठिकाणी अपघात झाले आहेत. यामुळे वाहनचालकांना आणि पादचाऱ्यांना मोठी इजा झाली आहे. तरीसुद्धा पालिकेने खड्डे भरलेले नाहीत. पालिकेने नेमलेले ठेकेदार केवळ मलमपट्टी लावत असल्याने नागरिक नाराजी व्यक्त करीत आहेत.
या परिसरातील नागरिकांनी खड्ड्यांबाबत प्रशासनाकडे तक्रारी केल्या आहेत; मात्र त्याकडे सर्रासपणे दुर्लक्ष केले जात असल्याची खंत नागरिकांनी व्यक्त केली असून पालिकेने त्वरित खड्डे भरण्याची मागणी केली आहे.

याठिकाणी खड्डे
उपनगरातील चेंबूर, गोवंडी, कुर्ला, मानखुर्द, टिळकनगर, आरसी मार्ग, माहुल, अण्णाभाऊ साठे मार्ग, कुर्ला सिग्नल, नेहरूनगर, बेस्ट डेपो टिळकनगर, बुद्ध कॉलनी, सायन-पनवेल मार्ग, गोवंडी, देवनार व शिवाजीनगर गडकरी खाण, शिवसृष्टी, डम्पिंग मार्ग तसेच कित्येक उड्डाणपुलांवर खड्डे पडले आहेत. या खड्ड्यांमुळे अपघात होण्याची शक्यता आहे.