धरणांमध्ये महिलेची आत्महत्या

धरणामध्ये महिलेची आत्महत्या

वाशी, ता. ९ (बातमीदार) : दिघा येथील इलठण पाडा परिसरात ब्रिटीशकालीन धरणात एका ३२ वर्षीय विवाहितेने आत्महत्या केल्याची घटना मंगळवारी (ता. ८) घडली. खशबू जयस्वाल असे या महिलेचे नाव असून त्या यादवनगर परिसरात राहत होत्या. अद्याप त्यांच्या आत्महत्येचे कारण अस्पष्ट असून पोलिस अधिक तपास करीत आहेत. दरम्यान, हे ब्रिटीशकालीन धरण रेल्वेच्या मालकीचे आहे. या धरण परिसरात यापूर्वी हत्येच्या घटना घडल्या असून या ठिकाणी पोहण्यासाठी आलेल्या पर्यटकांचा बुडून मृत्यू झाला आहे. त्यामुळे याठिकाणी सुरक्षा रक्षक नेमण्याची मागणी रिपब्लिकन पार्टी ऑफ इंडियाने (आठवले गट) महापालिकेकडे केली आहे.