जगदीशन यांच्या याचिकेवर सुनावणीस पुन्हा नकार!

जगदीशन यांच्या याचिकेवर
सुनावणीस पुन्हा नकार!

सकाळ वृत्तसेवा
मुंबई : गुन्हा रद्द करण्यासाठी एचडीएफसी बँकेचे व्यवस्थापकीय संचालक शशिधर जगदीशन यांनी दाखल केलेल्या याचिकेवर सुनावणी घेण्यास उच्च न्यायालयाच्या आणखी एका न्यायमूर्तींनी नकार दिला. याआधी तीन खंडपीठांनी त्यांच्या याचिकेवर सुनावणी घेण्यास नकार दिला होता.

चेतन मेहता ग्रुपला लीलावती कीर्तिलाल मेहता मेडिकल ट्रस्टवर बेकायदा नियंत्रण ठेवू देण्यास मदत करण्यासाठी दोन कोटी पाच लाख रुपयांची लाच घेतल्याचा आरोप प्रशांत मेहता यांनी जगदीशन यांच्यावर केला आहे. याप्रकरणी दाखल गुन्हा रद्द करण्यासाठी जगदीशन यांनी उच्च न्यायालयात धाव घेतली आहे. मागील आठवड्यात ४ जुलै रोजी उच्च न्यायालयाचे न्यायमूर्ती म्हणून गौतम अंखड यांनी गोपनीयतेची शपथ घेतली होती. त्यांच्यापुढे हे प्रकरण नुकतेच सुनावणीसाठी आले असता त्यांनी याचिकेवर सुनावणी घेण्यास नकार दिला.