प्रेम संबधातून डॉ. कवितके यांनी आत्महत्या केल्याचा संशय

प्रेमसंबंधातून डॉ. कवितके यांनी आत्महत्या केल्याचा संशय
नवी मुंबई (वार्ताहर) : अटल सेतूवरून सोमवारी रात्री उडी घेऊन आत्महत्या करणारे जे. जे. रुग्णालयातील ३२ वर्षीय सर्जन डॉ. ओंकार भगवत कवितके यांची शोधमोहीम तिसऱ्या दिवशीही युद्धपातळीवर सुरू होती. डॉ. कवितके यांनी प्रेयसीसोबत ब्रेकअप झाल्यामुळे आलेल्या नैराश्यातून टोकाचे पाऊल उचलल्याचा संशय पोलिसांकडून व्यक्त करण्यात येत आहे.
डॉ. कवितके हे जे. जे. रुग्णालयातील एका मेडिकलच्या विद्यार्थ्यासोबत प्रेमसंबंधात होते, मात्र या तरुणीच्या कुटुंबीयांनी या दोघांच्या विवाहाच्या प्रस्तावाला नकार दिला होता. त्यामुळे महिनाभरापूर्वी या दोघांनी त्यांच्यातील प्रेमसंबध संपवण्याचा निर्णय घेतला होता. प्रेयसीसोबत ब्रेकअप झाल्यानंतर डॉ. कवितके हे मानसिक तणावाखाली आले होते. यातूनच त्यांनी टोकाचे पाऊल उचलत अटल सेतूवरून उडी टाकली असावी. अशी शक्यता पोर्ट विभागाचे सहाय्यक पोलिस आयुक्त विशाल नेहल यांनी दिली.