पोलादपूर ग्रामीण रुग्णालयात आरोग्य सुविधा सुधारण्यासाठी बैठक

पोलादपूर ग्रामीण रुग्णालयात आरोग्य सुविधा सुधारण्यासाठी बैठक
पोलादपूर, ता. १० (बातमीदार) ः पोलादपूर तालुक्यात सामाजिक आणि शैक्षणिक क्षेत्रात सातत्याने कार्यरत असलेल्या आपली माती आपली माणसं या संघटनेने आता ग्रामीण आरोग्याच्या प्रश्नांकडे लक्ष केंद्रित करत सक्रिय पुढाकार घेतला आहे. संस्थापक श्रीराज पार्टे व अध्यक्ष नीलेश कोळसकर, कार्याध्यक्ष संजय दादा उतेकर यांच्या नेतृत्वाखाली, ग्रामीण कमिटीच्या माध्यमातून पोलादपूर ग्रामीण रुग्णालयात एक महत्त्वपूर्ण संयुक्त चर्चा सत्र नुकतेच पार पडले.
या बैठकीमध्ये रुग्णालयाचे अधिकारी, डॉक्टर, व कर्मचारी तसेच संघटनेचे पदाधिकारी व सदस्य मोठ्या संख्येने उपस्थित होते. तालुक्यातील विविध आरोग्यविषयक समस्या या वेळी सविस्तरपणे मांडण्यात आल्या. सध्याच्या रुग्णालयात औषधांची, इंजेक्शनची आणि उपचार सुविधांची कमतरता असून, रुग्णांना वेळेवर योग्य उपचार मिळण्यात अडथळे येत असल्याचे स्पष्टपणे अधोरेखित करण्यात आले. यासंदर्भात शासनाकडे ठोस मागण्या करणारे निवेदन देण्यात आले. त्याअंतर्गत पुढील सुविधा पुरवण्याची मागणी करण्यात आली आहे. तसेच सर्व वयोगटाकरिता उपचार सुविधा, आधुनिक वैद्यकीय उपकरणांची उपलब्धता, विविध आजारांवरील तज्ज्ञ डॉक्टरांची नेमणूक, पुरेशी औषधसाठा करण्याची मागणी करण्यात आली. या बैठकीस वैद्यकीय मदत कक्षाचे संस्थापक मार्गदर्शक कृष्ण कदम, ग्रामीण कमिटी अध्यक्ष हरीभाऊ पवार, लक्ष्मण महाराज खेडेकर, सचिव नितेश शिंदे, खजिनदार सतिश सुकाळे, मुख्य प्रवर्तक संजयजी चोरगे, पोलादपूर तालुका संपर्क प्रमुख दीपक उतेकर,कार्याध्यक्ष अर्जुन पार्टे आदी पदाधिकारी आणि सदस्य मोठ्या संख्येने सहभागी झाले होते