पर्यावरण संवर्धनाचा ध्यास

ठाणे, ता. १० : आषाढी एकादशीचे औचित्य साधून ठाण्यातील शिवशंभू फाउंडेशन यांच्या वतीने महिला बचत गटातील महिला आणि मुलांनी भारतीय जातीचे फणस, आंबा, आवळा, तेजपत्ता, मोगरा, जाईजुई अशी झाडे मामा-भाचे या डोंगर परिसरात लावण्यात आले. आतापर्यंत एक हजार ६०० झाडे लावताना पर्यावरण संवर्धनात हातभार लावला आहे. सावरकरनगर येथील शिवशंभू फाउंडेशनच्या अध्यक्षा भारती भोसले यांनी पर्यावरण संवर्धन काळाची गरज आहे. तसेच येणाऱ्या पिढीला ऑक्सिजन मिळण्यासाठी वृक्ष संवर्धन गरजेचे असल्याचे सांगितले. या उपक्रमात फाउंडेशनच्या अध्यक्षा भारती भोसले, सायली दळवी, राजश्री देशमुख यांच्यासह महिला बचत गटाच्या महिला तसेच मुलांनी सहभाग घेतला होता.