मुलुंडमध्ये रस्ता खचला

मुलुंडमध्ये रस्ता खचला
मुलुंड, ता. १० (बातमीदार) : मुलुंड पश्चिमेतील पुरुषोत्तम रज रोडवरील केशवपाड्याजवळ रस्त्याचा एक भाग मंगळवारी (ता. ८) अचानक साडेसात फूट खोल खचल्‍याची घटना घडली. टी विभागाच्या सहाय्यक आयुक्त योगिता कोल्हे यांच्या मार्गदर्शनाखाली तातडीने येथे बॅरिकेडिंग केले. त्‍यामुळे मोठी दुर्घटना टळली.
अचानक घडलेल्‍या घटनेमुळे वाहनचालकांमध्ये घबराट पसरली होती. सामाजिक कार्यकर्ते शुलभ जैन यांनी याबाबतची माहिती पालिकेच्या अधिकाऱ्यांना दिली. सध्या येथे बॅरिकेडिंग केले असून, खड्डा बुजवण्यात येणार आहे. या परिसरात अनेक शाळा आहेत. हजारो विद्यार्थी या रस्त्याचा वापर करतात. हा रस्ता मुलुंडच्या एलबीएस मार्गाला पुढे जाऊन मिळतो. गेल्या वर्षीसुद्धा याच रस्त्यावर अशाच प्रकारे एक दुर्घटना घडली होती.