२४ तासांत १० कोरोना रुग्ण

२४ तासांत १० कोरोना रुग्ण
सकाळ वृत्तसेवा
मुंबई , ता. १० : राज्यात आज (गुरुवार) कोविडचे १० नवे रुग्ण आढळले असून, मृत्यूची नोंद झालेली नाही. नव्या रुग्णांमध्ये मुंबईत ५, पुणे २, नागपूर ३ अशा रुग्णांचा समावेश आहे. सर्व रुग्ण सौम्य स्वरूपाचे असून, राज्यात ४८ सक्रिय रुग्णांवर उपचार सुरू आहेत. जानेवारी २०२५ पासून आतापर्यंत राज्यात एकूण ३५,०२४ कोविड चाचण्या करण्यात आल्या असून, त्यातून २,६१३ रुग्ण बाधित आढळले आहेत. यापैकी २,५२४ रुग्णांनी कोरोनावर यशस्वी मात केली असून, राज्यातील एकूण बरे होण्याचे प्रमाण ९६.५९ टक्के इतके आहे.
मुंबईत आतापर्यंत एकूण १,०३५ रुग्णांची नोंद झाली. तर जानेवारी १, फेब्रुवारी १, मार्च ०, एप्रिल ४, मे ४३५, जून ५५१ आणि जुलै ४३ असे रुग्ण आढळले आहेत. जानेवारीपासून आतापर्यंत राज्यात एकूण ४१ रुग्णांचा मृत्यू झाला असून, यामध्ये ४० रुग्ण गंभीर सहव्याधींनी ग्रस्त होते, तर १ रुग्णाचा मृत्यू इतर कारणाने झाला होता.