निकेत कौशिक यांनी पदभार स्विकारला

निकेत कौशिक यांनी पदभार स्विकारला
भाईंदर, ता. ११ (बातमीदार) : मधुकर पांडे यांची तडकाफडकी बदली झाल्यानंतर मिरा-भाईंदर, वसई-विरारचे पोलिस आयुक्त म्हणून निकेत कौशिक यांनी गुरुवारी (ता. १०) पदभार स्वीकारला. या वेळी अतिरिक्त आयुक्त दत्तात्रय शिंदे, उपायुक्त संदीप डोईफोडे, अशोक वीरकर, प्रकाश गायकवाड व अन्य पोलिस अधिकारी उपस्थित होते.
मिरा-भाईंदर, वसई-विरार पोलिस दल या भागातील नागरिक आणि रहिवाशांचे जीवन, स्वातंत्र्य आणि कायदेशीर हितसंबंधांचे रक्षण करण्यास वचनबद्ध आहे. नागरिकांना आवाहन करतो, की त्यांनी स्थापित नियम आणि कायद्याचे काटेकोरपणे पालन करावे. सामूहिक प्रयत्नांद्वारे मिरा-भाईंदर, वसई-विरारमध्ये शांतता आणि सार्वजनिक सुव्यवस्था राखू आणि ते एक आनंदी आणि समृद्ध समुदाय बनवू, याची आम्हाला खात्री आहे, अशी प्रतिक्रिया कौशिक यांनी या वेळी व्यक्त केली.