अग्निशमन दलाची जागतिक क्रीडा स्पर्धेत चमकदार कामगिरी

अग्निशमन दलाची
उत्कृष्ठ कामगिरी
मुंबई ः अमेरिकेत झालेल्या जागतिक पोलिस व अग्निशमन क्रीडा स्पर्धेत मुंबई अग्निशमन दलाने पहिल्याच दिवशी उत्कृष्ठ कामगिरी केली. खेळाडूंनी दोन कांस्य आणि दोन रौप्य पदकांवर मोहोर उमटवली. मुंबई अग्निशमन दलातून सहा जणांचे पथक भारतीय संघात सहभागी होते. यात अग्निशामक गोविंद बिजले, महिला अग्निशामक एकता गोलकर, सिद्धी सोनवणे, श्वेता दवणे आणि उन्नती चिलकेवार यांचा समावेश होता. या पथकाचे नेतृत्व उप प्रमुख अग्निशमन अधिकारी डॉ. दीपक घोष यांनी केले. २८ जून ते ६ जुलै २०२५ दरम्यान बर्मिंगहॅम येथे ही स्पर्धा पार पडली. या प्रतिष्ठेच्या स्पर्धेत ७० हून अधिक देशांतील ५ हजारांपेक्षा जास्त खेळाडूंनी सहभाग घेतला. तसेच ६० पेक्षा अधिक प्रकारच्या खेळ व ड्रिल स्पर्धांमध्ये स्पर्धकांनी कौशल्य दाखवले. भारतातून ४७ अग्निशमन दलातील अधिकारी व कर्मचारी या स्पर्धेत सहभागी झाले होते.