बाल-माता मृत्युदर तपासण्यासाठी टास्क फोर्स

बाल-माता मृत्यूदर तपासण्यासाठी टास्क फोर्स
मुंबई, ता. ११ : सार्वजनिक आरोग्य विभागाने बालमृत्यू आणि मातामृत्यूच्या चौकशीसाठी राज्यस्तरीय २१ सदस्यीय टास्क फोर्सची स्थापना करण्यात आली आहे. यासंदर्भातील सरकारी आदेश बुधवारी (ता. ९) जारी करण्यात आला. सार्वजनिक आरोग्य विभागाचे सचिव हे टास्क फोर्सचे अध्यक्ष असतील. टास्क फोर्सला दर सहा महिन्यांनी एकदा बैठक घ्यावी लागेल. राष्ट्रीय आरोग्य अभियानाचे मुख्य उद्दिष्ट बालमृत्यू कमी करणे आहे, या टास्क फोर्समध्ये आरोग्य सेवा आयुक्त आणि राष्ट्रीय आरोग्य अभियानाचे मोहीम संचालक, सायन रुग्णालयाच्या शस्त्रक्रिया विभागाचे प्रमुख, नायर रुग्णालयाच्या प्रसूती आणि स्त्रीरोगशास्त्र यांचा समावेश आहे. यामध्ये ग्रँट मेडिकल कॉलेजचे विभागप्रमुख, पॅथॉलॉजी, अ‍ॅनेस्थेसियोलॉजी, युरोलॉजिस्ट, बालरोगशास्त्र विभागप्रमुख, केईएम रुग्णालयातील औषध विभागप्रमुख, भारतीय प्रसूती आणि स्त्रीरोग संघटनेचे प्रतिनिधी, बालरोगशास्त्र आरोग्य सेवा विभागाचे उपसंचालक, आरोग्य सेवा उपसंचालक (शुश्रूषा), आरोग्य सेवा उपसंचालक प्रभारी मंडळ, बी. जे. मेडिकल कॉलेज, पुणे येथील बालरोगशास्त्र विभागप्रमुख, एकात्मिक बालविकास सेवा योजनेचे आयुक्त, पुणे जिल्हा रुग्णालयाचे बालरोगतज्ज्ञ, आयएपीचे प्रतिनिधी आणि जागतिक आरोग्य संघटना, युनिसेफचे प्रतिनिधी यांचा सदस्य म्हणून समावेश असेल.