शारीरिक अत्याचारातून अल्पवयीन पीडिता गर्भवती

शारीरिक अत्याचारातून अल्पवयीन मुलगी गर्भवती
भिवंडी, ता. ११ (वार्ताहर) : तालुक्यातील एका गावात अल्पवयीन मुलीवर शारीरिक अत्याचार केल्याने पीडिता गर्भवती झाल्याची घटना समोर आली आहे.
आलीमघर गावातील एका १४ वर्षीय अल्पवयीन पीडितेवर गावातील ओळखीच्या अल्पवयीन १४ वर्षीय नराधमाने आपल्या घरात तिच्यावर मे २०२५ मध्ये एके दिवशी शारीरिक अत्याचार केले. या अत्याचारातून अल्पवयीन पीडिता गर्भवती झाल्याने ही गोष्ट घरच्यांसमोर उघडकीस आली. याप्रकरणी नारपोली पोलिस ठाण्यात अल्पवयीन नराधमाविरोधात गुरुवारी (ता. १०) गुन्हा नोंदवण्यात आला आहे. गुन्ह्यातील आरोपी अल्पवयीन असल्याने त्याला बाल न्यायालयात हजर केले जाणार असल्याची माहिती पोलिस उपनिरीक्षक महेश महादावाड यांनी दिली आहे.