अपारंपारिक ऊर्जा वापराला चालना

अपारंपरिक ऊर्जा वापराला चालना
टाटाकडून तीन महिन्यांत ४५ हजार घरांमध्ये सौर प्रकाश
सकाळ वृत्तसेवा
मुंबई, ता. ११ : अपारंपरिक ऊर्जा वापराला चालना देण्यासाठी टाटा पाॅवर रिन्यूएबलने एप्रिल-जून या तीन महिन्यांत तब्बल ४५ हजार ५८९ घरांच्या छतावर रूफ टाॅप सोलर पॅनेल उभारले आहेत. त्याची क्षमता तब्बल २२० मेगावाॅट इतकी असून, त्यामुळे संबंधित घरातील वीजबिल कमी येणार असून, दिवसा तयार होणारी वीज ग्रीडमध्येही टाकणे शक्य होणार आहे.
केंद्र सरकारकडून रूफ टाॅप सोलर, सौर, पवन ऊर्जा प्रकल्प उभारण्यासाठी प्रोत्साहन दिले जात आहे. त्यानुसार टाटा पॉवर रिन्यूएबल एनर्जी लिमिटेडने आर्थिक वर्षाच्या पहिल्या तिमाहीमध्ये ४५ हजारांहून अधिक रूफटॉप सोलर इंस्टॉेलेशन्स पूर्ण केले आहेत. मागील वर्षीच्या आर्थिक वर्षाच्या पहिल्या तिमाहीमध्ये झालेल्या आठ हजार ८३८ घरांवर रूफ टाॅप सोलर उभारले आहेत. दरम्यान, टाटा पाॅवरने आतापर्यंत देशभरात एकूण दोन लाखांहून अधिक रूफ टाॅपवर सोलर पॅनेल बसवले असून, त्याची क्षमता सुमारे ३४०० मेगावाॅट एवढी आहे.