ज्वेल ऑफ नवी मुंबईमध्ये आज गौतम बुध्द यांच्या पुतळ्याचे अनावरण

ज्वेल ऑफ नवी मुंबईमध्ये आज गौतम बुद्ध यांच्या पुतळ्याचे अनावरण
वाशी, ता. ११ (बातमीदार) : नवी मुंबई महापालिकेच्या वतीने नेरूळ सेक्टर-२६ येथील ज्वेल ऑफ नवी मुंबई येथे भगवान गौतम बुद्ध यांच्या पुतळ्याचा अनावरण समारंभ शनिवारी (ता. १२) सकाळी १० वाजता संपन्न होणार आहे. महाराष्ट्र राज्याचे उपमुख्यमंत्री तथा ठाणे जिल्ह्याचे पालकमंत्री एकनाथ शिंदे यांच्या हस्ते अनावरण होणार असून, वनमंत्री गणेश नाईक हे प्रमुख अतिथी म्हणून उपस्थित राहणार आहेत. त्याचप्रमाणे खासदार नरेश म्हस्के, डॉ. श्रीकांत शिंदे, आमदार मंदा म्हात्रे, निरंजन डावखरे, ज्ञानेश्वर म्हात्रे, राजेश मोरे उपस्थित राहणार आहेत.
नवी मुंबईचे आकर्षण केंद्र असलेल्या नेरूळ सेक्टर-२६ येथील ज्वेल ऑफ नवी मुंबई या ठिकाणी २.८० मी. उंचीचा भगवान गौतम बुद्ध यांच्या ध्यानमग्न भव्य पुतळ्यामुळे या परिसराच्या लौकिकात भर पडणार आहे. तरी नवी मुंबईकर नागरिकांनी भगवान गौतम बुद्ध यांच्या पुतळ्याच्या अनावरण समारंभप्रसंगी मोठ्या संख्येने उपस्थित राहावे, असे आवाहन पालिका आयुक्त डॉ. कैलास शिंदे यांच्या वतीने करण्यात आले आहे.