स्ट्रीट फूड विक्रेता मार्गदर्शन शिबीर

स्ट्रीट फूड विक्रेता मार्गदर्शन शिबिर
जुईनगर, ता. १२ (बातमीदार) : प्रथम एज्युकेशन फाउंडेशनच्या वतीने नेरूळ येथील कुकशेत गावात स्ट्रीट फूड विक्रेत्यांसाठी मार्गदर्शन शिबिर आयोजित केले आहे. रविवार (ता. १३) सकाळी ११.३० वाजता कै. नारायण पाटील शाळा क्रमांक ९८ व ११ सेक्टर १४ येथे हे मार्गदर्शन करण्यात येणार आहेत. फूड स्ट्रीट व्यवसायातील संधी आणि सहाय्य या विषयावर शिबिरात मार्गदर्शन करण्यात येणार आहे.
सुरू असलेल्या व्यवसायाशी निगडित मार्गदर्शन करणे, नवीन पदार्थ शिकवणे अथवा व्यवसायात वाढ करण्याबाबत सूचना या वेळी देण्यात येणार आहेत. व्यवसायाची जाहिरात करून ऑनलाइन ऑर्डर कशापद्धतीने घेता येते; शिवाय आपण विक्री करीत असलेल्या अन्नाची स्वच्छता आणि गुणवत्ता कशा पद्धतीने टिकवली पाहिजे यावरदेखील मार्गदर्शन करण्यात येणार आहे. योग्य ते प्रशिक्षण देऊन संपूर्ण मदत फाउंडेशनद्वारे करण्यात येणार आहे. व्यवसाय वाढीसह संबंधित परवाने मिळवण्यासाठीदेखील मदत करण्यात येते. शिवाय शिबिरात हिशोबाची योग्य पद्धतदेखील शिकवण्यात येणार आहे. अधिक माहितीसाठी संपर्क साधण्याचे आवाहन फाउंडेशनतर्फे करण्यात आले आहे.