पुणे विद्या भवन शाळेच्या ८९ विद्यार्थ्यांना शिष्यवृत्ती

पुणे विद्या भवन शाळेच्या ८९ विद्यार्थ्यांना शिष्यवृत्ती
घाटकोपर, ता. १२ (बातमीदार) : महाराष्ट्र परीक्षा परिषद, पुणे यांच्या वतीने राष्ट्रीय आर्थिक दुर्बल घटकातील विद्यार्थ्यांसाठी शिष्यवृत्ती (एनएमएमएस) परीक्षा फेब्रुवारी २०२५मध्ये पूर्व उच्च प्राथमिक विभाग इयत्ता पाचवी आणि पूर्व माध्यमिक विभाग आठवीतील विद्यार्थ्यांसाठी घेण्यात आल्या. यामध्ये पुणे विद्यार्थी गृह संस्थेच्या घाटकोपर येथील पुणे विद्या भवन शाळेतील मराठी व इंग्रजी माध्यमांतील एकूण ८९ विद्यार्थ्यांनी ही शिष्यवृत्ती मिळवली आहे. शाळेच्या उज्ज्वल यशाची परंपरा कायम ठेवली आहे. यामध्ये पाचवी मराठी माध्यम (सेमी इंग्रजी) १४, इंग्रजी माध्यमाच्या २६ विद्यार्थ्यांना शिष्यवृत्ती मिळाली आहे. आठवीच्या मराठी माध्यम १२, इंग्रजी माध्यमाच्या ३७ विद्यार्थ्यांनी शिष्यवृत्ती प्राप्त केली आहे. सर्व यशस्वी विद्यार्थ्यांचे आणि त्यांना मार्गदर्शन करणाऱ्या शिक्षक, मुख्याध्यापक यांचे संस्थेचे कार्याध्यक्ष राजेंद्र बोराडे यांनी अभिनंदन केले.