मोरबे धरण प्रकल्पग्रस्तांचे उपोषण मागे. खालापूर येथे बैठकीत निर्णय

मोरबे धरण प्रकल्पग्रस्तांचे उपोषण मागे
खालापूर येथे बैठकीत निर्णय
खालापूर, ता. १२ (बातमीदार) ः मोरबे धरण प्रकल्पग्रस्त कृती समितीचे साखळी उपोषण दोन दिवसानंतर मागे घेण्यात आले आहे. खालापूर येथे शुक्रवारी (ता. ११) पंचायत समितीच्या बैठकीत निर्णय घेण्यात आला. यावेळी प्रकल्पग्रस्त समिती, उपजिल्हाधिकारी पुर्नवसन विभाग भारत वाघमारे, अरविंद शिंदे शहर अभियंता, प्रांताधिकारी प्रशांत संकपाळ, तहसीलदार अभय चव्हाण, नायब तहसीलदार सुधाकर राठोड, गटविकास अधिकारी संदिप कराड, खालापूर पोलिस निरीक्षक सचिन पवार आदी उपस्थित होते.
मोरबे धरण प्रकल्पग्रस्त समितीच्या गेल्या वर्षी ४ जुलै रोजी झालेल्या उग्र आंदोलनानंतर प्रशासनाने अनेक आश्वासन दिली होती. परंतु, त्यातील एकही आश्वासनाची दखल न घेतल्याने दोन दिवसांपूर्वी साखळी उपोषणाला सुरुवात करण्यात आली. यानंतर प्रशासनाने तातडीने घेऊन बैठकीचे आयोजन केले. प्रकल्पग्रस्तांनी बैठकीत पुर्नवसन कायदा, आंदोलकांवरिल गुन्हे मागे तसेच रोजगाराबाबत केलेल्या मागण्यावर सकारात्मक चर्चा झाल्याने उपोषणाचा निर्णय मागे घेण्यात आला.

कमी भावात जमीन घेतल्या होत्या. आम्ही भूमिहीन झालो. त्याप्रमाणात पुर्नवसन झाले नाही. जनजागर प्रतिष्ठानने उपोषण मागे घेण्यासाठी विनंती केली आहे. माधव भंडारी संस्थापक अध्यक्ष असल्याने आम्ही विश्वास ठेवत उपोषण मागे घेतले आहे, असे मोरबे धरण प्रकल्पग्रस्त समितीतील परशुराम यांनी सांगितले. तर, बैठकीत प्रकल्पग्रस्त यांचे समाधान होईल असे निर्णय झाले. लवकरच त्याबाबत पुढील बैठक घेऊन निर्णय घेण्यात येणार असल्याचे प्रांताधिकारी प्रशांत संकपाळ यांनी सांगितले.

फोटो- कर्जत ः संकपाळ आणि पंचायत समिती येथील बैठ