तळा ज्युनियर कॉलेज व गो म वेदक विद्यामंदिरमध्ये गुरुपौर्णिमा उत्साहात साजरी

तळा ज्युनियर कॉलेज व गो म वेदक विद्यामंदिरमध्ये गुरुपौर्णिमा उत्साहात साजरी
तळा (प्रतिनिधी) ः तळे विभाग शिक्षण प्रसारक मंडळाचे कला वाणिज्य व विज्ञान कनिष्ठ महाविद्यालय व गो म वेदक विद्यामंदिर तळा येथे गुरुपौर्णिमा मोठ्या उत्साहात साजरी करण्यात आली. यावेळी प्रमुख अतिथी म्हणून संस्थेचे विश्वस्त श्री मारुती शिर्के गुरुजी यांची विशेष उपस्थिती होती. याप्रसंगी प्राचार्य श्री दिलीप ढाकणे, पर्यवेक्षक श्री महादेव लोकरे, प्रा पाटील एन सी, प्रा द्याणेकर बी एन, प्रा कसबे पी पी, प्रा भुरे टी एन, प्रा सर्जे व्ही बी, प्रा कुळकर्णी बी एस, प्रा वाडीकर के जे, प्रा शिंदे बी डी, प्रा गायकवाड पी एम, प्रा जमादार एस टी, प्रा आंबेगावे डी टी, श्री महेश राठोड, श्री मल्लिकार्जुन दौडमनी, श्री रोहित भागवत आदी मान्यवर उपस्थित होते.
यावेळी सर्व गुरुजनांचे विद्यार्थ्यांनी स्वागत केले. दरम्यान श्रावस्ती माळी, प्रणाली रसाळ व रिया खांडेकर, सारथी भगत, सई जाधव, संग्राम सावंत, प्रेम पाटणे, तेजस्विनी भुरे, सई वावेकर, कार्तिक भिंगारे, जयवर्धन जाधव, लावण्या सुतार, प्रणवी जमादार, रिया सुतार, विवेक पडवळ, श्लोक शिर्के, मिनाक्षी खांडेकर, नैतिक पाटील, शर्वरी ठसाळ, अद्विका अडुळकर, शबनम गोठेकर, लावण्या खांडेकर, क्षितिजा गवाणे या विद्यार्थ्यांनी गुरूबद्दल कृतज्ञता व्यक्त केली. प्राचार्य दिलीप ढाकणे, प्राध्यापक पाटील एन सी व प्राध्यापिका कुळकर्णी बी एस, पर्यवेक्षक श्री महादेव लोकरे यांनी गुरुपौर्णिमेचे महत्व पटवून दिले व प्राचीन काळापासून आजपर्यंत चालत आलेल्या गुरु - शिष्य परंपराचा इतिहास सांगितला. प्रमुख अतिथी श्री मारुती शिर्के गुरुजी यांनी गुरुची महती विशद करीत आपला पहिला गुरु आई, दुसरा गुरु शिक्षक, तिसरा गुरू समाज आणि चौथा गुरु सद्गुरू असल्याचे प्रतिपादन केले. कार्यक्रमाचे प्रास्ताविक श्री महेश राठोड, निवेदन प्रा सर्जे व्ही बी व श्री रोहित भागवत तर आभार श्री मल्लिकार्जुन दौडमनी यांनी मानले यावेळी कला वाणिज्य व विज्ञान कनिष्ठ महाविद्यालय व गो म वेदक विद्यामंदिर तळाचे सर्व शिक्षक, शिक्षकेत्तर कर्मचारी व विद्यार्थी उपस्थित होते.