शिरवणे शाळेत मोफत पुस्तक वाटप

शिरवणे शाळेत मोफत पुस्तकवाटप
जुईनगर, ता. १३ (बातमीदार) : संतोष सुतार प्रतिष्ठान यांच्यातर्फे नेरूळ येथील शिरवणे शाळेतील विद्यार्थ्यांना मोफत पुस्तकवाटप करण्यात येणार आहे. सोमवारी (ता. १४) सकाळी १० वाजता नवी मुंबई महापालिका शाळा क्रमांक १५ व १०१ येथे हा कार्यक्रम होणार आहे. महापालिका शाळेतील विद्यार्थ्यांना इंग्रजी विषयात अधिक ज्ञान प्राप्त व्हावे तसेच इंग्रजी विषयाची गोडी लागावी म्हणून प्रतिष्ठानतर्फे पुस्तकवाटप करण्यात येणार आहे. शिवाय भविष्यातील स्पर्धा पाहता शिक्षणाचे महत्त्व पटवून देणारे मार्गदर्शन प्रदीप पाटील यांच्यामार्फत केले जाणार आहे.
पुस्तक खरा मित्र असून, त्यातील ज्ञान वाटून जीवन समृद्ध करण्यासाठी हा उपक्रम राबवत असल्याचे प्रतिष्ठानतर्फे सांगण्यात येते, तर दरवर्षी विद्यार्थ्यांसाठी विविध उपक्रम प्रतिष्ठानतर्फे होत असतात. याप्रसंगी संस्थापक संतोष सुतार, अध्यक्ष सचिन सुतार, सचिव रेखा ठाकूर, खजिनदार रेखा सुतार उपस्थित राहणार आहेत.