पनवेलमध्ये शासकीय दाखले वाटप शिबिरात नागरिकांचा उत्स्फूर्त सहभाग

पनवेलमध्ये शासकीय दाखलेवाटप शिबिरला नागरिकांचा प्रतिसाद
पनवेल (बातमीदार) ः माजी खासदार राम ठाकूर यांच्या ७५ व्या जन्मदिनानिमित्त विविध सामाजिक उपक्रम राबवण्यात येत आहेत. यानुसार पनवेल भारतीय जनता पार्टी आणि जे. एम. म्हात्रे चॅरिटेबल संस्थेच्या माध्यामातून शासकीय दाखले शिबिर आणि आयुष्मान भारत योजनेअंतर्गत पाच लाख रुपयांपर्यंत विमा कार्ड शिबिराचे आयोजन डॉ. विकास मोहोकर आणि माजी नगरसेविका डॉ. सुरेखा मोहोकर यांच्या माध्यमातून करण्यात आले होते. हे शिबिर पनवेल शहरातील परदेशी आळीमध्ये आयोजित करण्यात आले.
या शिबिराचे उद्‍घाटन राम ठाकूर यांच्या प्रमुख उपस्थितीत आमदार प्रशांत ठाकूर, भाजपचे उत्तर रायगड जिल्हाध्यक्ष अविनाश कोळी आणि माजी सभागृहनेते परेश ठाकूर यांच्या हस्ते झाले. या वेळी माजी नगराध्यक्ष व ज्येष्ठ नेते जे. एम. म्हात्रे, लोकनेते दि. बा. पाटील यांचे सुपुत्र अतुल पाटील, भाजपचे उत्तर रायगड जिल्हा सरचिटणीस नितीन पाटील, चारुशीला घरत, माजी विरोधी पक्षनेते प्रीतम म्हात्रे, माजी नगरसेवक गणेश कडू, गणेश पाटील, अजय बहिरा, सुनील बहिरा, माजी नगरसेविका सुरेखा मोहोकर, राजश्री वावेकर, वृषाली वाघमारे, प्रीती जॉर्ज, अनुराधा ठोकल, सारिका भगत, पुष्पलता मढवी, भाजपचे पनवेल शहर मंडल अध्यक्ष सुमित झुंझारराव, शहर सरचिटणीस अमित ओझे, डॉ. विलास मोहोकर, संजय मोहोकर, विजय मोहोकर, यांच्यासह पदाधिकारी, कार्यकर्ते आणि मान्यवर उपस्थित होते. या शिबिराचा लाभ अनेक नागरिकांनी घेतला.