समांतर रस्त्यांना खड्डे

समांतर रस्त्यांवर खड्डे
वाशी, ता. १३ (बातमीदार) ः नवी मुंबई महापालिकेच्या मालकीच्या ठाणे-बेलापूर रस्त्याला लागूनच रबाळेपासून तुर्भेपर्यंत समांतर रस्ता बांधण्यात आला आहे, मात्र या रस्त्याला समस्यांचे ग्रहण लागले आहे. या रस्त्यावर पावसाळ्यामुळे खड्डे पडले आहेत. त्यामुळे वाहनचालकांना तारेवरची कसरत करत वाहने चालवावी लागत आहेत.
ठाणे-बेलापूर रस्त्याला लागूनच रबाळेपासून महापे सर्कलपर्यंत असणाऱ्या समांतर रस्त्याचा रिलायन्स समूहातील कर्मचांऱ्याकडून मोठ्या प्रमाणात वापर करण्यात येतो, मात्र या रस्त्याला पडलेल्या खड्ड्यांमुळे त्याचा त्रास वाहनचालकांना सहन करावा लागतो. महापे सर्कलकडून शिळफाटा रस्त्याकडे वळण घेत असणाऱ्या मार्गावर रस्त्याची चाळण झाली आहे. त्याचप्रमाणे घणसोली येथे समांतर बाजूच्या रस्त्याला लागूनच असणाऱ्या हॉटेल तसेच लॉजिंग या ठिकाणीदेखील रस्त्यांना खड्डे पडले आहेत. महापे सर्कलपासून कोपरखैरणेकडे जाणाऱ्या समांतर रस्त्यावरदेखील खड्डे पडले आहेत. या समांतर रस्त्यांवर पडलेले खड्डे प्रशासनाने तत्काळ बुजवावेत, अशी मागणी नागरिकांकडून करण्यात येत आहे. यासंदर्भात शहर अभियता शिरीष आरदवाड यांच्याशी संपर्क साधला असता होऊ शकला नाही.