गुरुपौर्णिमा, लोकसंख्या दिनानिमित्त मार्गदर्शन

वज्रेश्वरी, ता. १४ (बातमीदार) : आपले पहिले गुरू हे आई-वडील असतात. सर्व शिक्षक हे गुरू असतात. त्यांच्याबद्दल कृतज्ञता बाळगली पाहिजे. याबरोबरच आपण अकुशल असलो, तर समाजाची काहीच सेवा करू शकणार नाही, असे मार्गदर्शन डॉ. सुवर्णा रावळ यांनी केले. तसेच, नागरिकांनी कर्तव्याची सजगतेने पालन केले, तर लोकसंख्या वाढीचा भार न वाटता ताकद होईल हा जगाला संदेश देऊ शकतो, असे प्रतिपादन केले.
पद्मश्री अण्णासाहेब जाधव भारतीय समाज उन्नती मंडळाचे बी. एन. एन. कनिष्ठ महाविद्यालयामध्ये गुरुपौर्णिमा व जागतिक लोकसंख्या दिनाच्या कार्यक्रमामध्ये प्र. प्राचार्या डॉ. सुवर्णा रावळ यांनी मार्गदर्शन केले. यावेळी त्यांनी माणसांच्या आयुष्यातील गुरुचे महत्त्व सांगितले. नरेश शिरसाळे, पर्यवेक्षक एम. ओ. महाले, के. पी. अहिरे, श्रीकांत पाटील आदींसह प्राध्यापक, शिक्षकेत्तर कर्मचारी व विद्यार्थी उपस्थित होते. कार्यक्रमप्रसंगी विद्यार्थ्यांनी लोकसंख्या वाढीवर जनजागृतीविषयी पोस्टरप्रदर्शन सादर केले. प्रास्ताविक अजित भोईर यांनी, तर सूत्रसंचलन निवेदिता पाटील, शुभांगी अमृतकर यांनी केले. आभार मीनाक्षी पापडकर यांनी मानले.

वज्रेश्वरी : वनविभागाकडून वृक्षारोपण करून जनजागृती फलक लावण्यात आले.