आमदार पाडळकर यांच्याविरोधात ख्रिश्चन समाज एकवटला

आमदार पाडळकर यांच्याविरोधात ख्रिश्चन समाज एकवटला

Published on

उल्हासनगर, ता. १३ (बातमीदार) : ख्रिश्चन फादर यांना मारण्याची धमकी देणारे सांगलीमधील भाजपचे आमदार गोपीचंद पाडळकर यांच्याविरोधात ख्रिश्चन समाज एकवटला आहे. त्यांनी उल्हासनगरातील ख्रिश्चन एकता सामाजिक संघटनेचे राष्ट्रीय अध्यक्ष जीतू राठोड यांच्या नेतृत्वाखाली महाराष्ट्र अल्पसंख्याक आयोगाला निवेदन दिले. त्यात पाडळकर यांच्यावर कारवाई करण्याची मागणी केली असून, त्यानुसार अल्पसंख्याक आयोगाने १५ दिवसांत अहवाल सादर करण्याचे आदेश सांगलीचे पोलिस अधीक्षकाना दिले आहेत.

भाजप आमदार गोपीचंद पाडळकर यांनी ख्रिश्चन फादर यांना मारण्याचे भाषण सांगलीमध्ये केल्यावर त्याचे पडसाद समाजात उमटले आहे. संपूर्ण महाराष्ट्रात ख्रिश्चन समाजाने २४ ठिकाणी मोर्चे काढून आंदोलने केली. ख्रिश्चन एकता सामाजिक संघटनेचे राष्ट्रीय अध्यक्ष जीतू राठोड यांनीही शिष्टमंडळासोबत पोलिस उपायुक्त सचिन गोरे यांना निवेदन देऊन पाडळकर यांच्यावर गुन्हा दाखल करण्याची मागणी केली होती. मात्र, हे सांगलीतील प्रकरण असल्याने अहवाल पाठवण्यात येणारण असे आश्वासन गोरे यांनी दिले. त्यानंतर राठोड यांनी अल्पसंख्याक आयोगाकडे धाव घेऊन त्यांना निवेदन दिल्यावर आयोगाने १५ दिवसांत अहवाल सादर करण्याचे आदेश सांगलीचे पोलिस अधीक्षकांना दिले आहेत.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com