मोहने कोळीवाड्यात विकासकामांचे भूमीपूजन

मोहने कोळीवाड्यात विकासकामांचे भूमीपूजन
कल्याण, ता. १४ (वार्ताहर) : प्रभाग क्रमांक १४ मोहने कोळीवाडा येथील परिसरात आमदार विश्वनाथ भोईर आणि शिवसेना कल्याण शहरप्रमुख रवि पाटील यांच्या प्रमुख उपस्थितीत विविध विकासकामांचे भूमिपूजन करण्यात आले. आमदार विश्वनाथ भोईर यांच्या आमदार निधीतून ही सर्व विकासकामे केली जाणार आहेत. यामध्ये कान्हू काटेकर यांच्या निवासस्थानापासून ते बागडे इमारतीपर्यंत सिमेंट काँक्रीटीकरण, शंकर लडकू कोट यांच्या निवासस्थानापासून सिमेंट काँक्रीटीकरण, रामवाडी मयूर तळेकर यांच्या घरापासून हांडे निवासपर्यंत गटार आणि पायवाटा, राजमाता वडापाव ते राजेंद्र शॉपिंग सेंटरपर्यंत सिमेंट काँक्रीटीकरणाच्या कामांसह सार्वजनिक शौचालयाची दुरुस्ती अशा अनेक विकासकामांचा समावेश आहे. याप्रसंगी शिवसेना विभागप्रमुख नाना काटकर, विधानसभा सहसंघटक विजय परियार, शाखाप्रमुख रोहन कोट, प्रभात मिश्रा, राजेश पाटील, कृष्णा सेल्वराज, दिनेश निकम, चेतन कांबरे, चेतन बळुरंगी, भरत भाटी, श्रीपळ मुथा, कृष्णन कोगन, पप्पू कांबळे, राजेश सभाळे, राकेश पाटील, आशीष धिवार, आकाश कांबळे, अजय कोट, सुनीता राठोड, मंगल अल्फान्सो आदी नागरिक मोठ्या संख्येने उपस्थित होते.