इंदापूरमध्ये आदिवासी कार्यकर्त्यांचा शिवसेनेत प्रवेश

इंदापूरमध्ये आदिवासी कार्यकर्त्यांचा शिवसेनेत प्रवेश
माणगाव, ता. १४ (वार्ताहर) ः श्रीवर्धन मतदारसंघातील रुद्रवली गावातील आदिवासी वाडी नंबर दोन विभागातील तरुण कार्यकर्त्यांनी राज्याचे रोजगार हमी फलोत्पादन आणि खारभूमी विकास मंत्री शिवसेना उपनेते भरत गोगावले यांच्या मार्गदर्शनात शिवसेना पक्षात जाहीर प्रवेश केला आहे.
उद्धव ठाकरे गटामध्ये राहून कोणतीही कामे होत नाहीत. त्यामुळे आमची वाडी विकासापासून वंचित राहत आहे. म्हणूनच आम्ही हा निर्णय घेत शिवसेना पक्षात भरत गोगावले यांच्या आश्वासनांवर विश्वास ठेवून पक्षप्रवेश केला असल्याचे या वेळी तरुणांनी सांगितले. या वेळी देविदास जाधव, शकुन जाधव, भाग्या वाघमारे, अंकुश दिलमा, दत्ताराम वाघमारे, योगेश वाघमारे, रोहिदास पवार, परशुराम वाघमारे, मारुती वाघमारे, राजा दिलमा, रोहिदास मोरे, समीर मोरे यांच्यासह जवळपास २० ते २५ आदिवासी बांधवांनी शिवसेना पक्षात जाहीर प्रवेश केला. या पक्षप्रवेशावेळी माणगाव तालुक्यातील शिवसेना युवासेनेचे पदाधिकारी, लोकप्रतिनिधी उपस्थित होते.