इलेक्ट्रिक किचन चिमणीला आग

इलेक्ट्रिक किचन चिमणीला आग
सकाळ वृत्तसेवा
ठाणे, ता. १५ : शिवाई नगर, रवी इस्टेट बसस्थानकाजवळील लक्ष्मीनारायण रेसिडेन्सी, डी विंगमधील अकराव्या मजल्यावरील रूम क्रमांक ११०२ मध्ये इलेक्ट्रिक किचन चिमणीला आग लागली. ही घटना सोमवारी (ता. १४) सायंकाळी ६च्या सुमारास घडली. या घटनेत इलेक्ट्रिक किचन चिमणी, इलेक्ट्रिक वायरिंग व इतर किचन साहित्य जळून नुकसान झाले आहे. शिवाई नगर येथील लक्ष्मीनारायण रेसिडेन्सी, डी विंगच्या अकराव्या मजल्यावरील विष्णू पालेकर यांच्या घरात आग लागल्याची माहिती सागर नामक व्यक्तीने आपत्ती व्यवस्थापन कक्षाला दिली. या घटनेची माहिती मिळताच अग्निशमन दल आणि आपत्ती व्यवस्थापन कक्षाच्या कर्मचाऱ्यांनी धाव घेतली. अवघ्या काही मिनिटांत आग नियंत्रणात आणण्यात यश आले. या घटनेत कोणालाही दुखापत झाली नसल्याची माहिती आपत्ती व्यवस्थापन अधिकाऱ्यांनी दिली.