ज्येष्ठ नागरिकांसाठी आरोग्य शिबिर

बदलापूर (बातमीदार) : रोटरी क्लब ऑफ बदलापूर इंडस्ट्रियल एरियाच्या माध्यमातून ज्येष्ठ नागरिकांसाठी रविवारी (ता. १३) आरोग्य तपासणी शिबिर घेण्यात आले होते. शिबिराला शहरातील अनेक ज्येष्ठ नागरिकांनी उपस्थिती लावून आरोग्य तपासणी करून घेतली. ज्येष्ठ नागरिकांच्या दैनंदिन आयुष्यात येणाऱ्या अडचणी जाणून घेणे, त्यांची आरोग्य तपासणी होणे गरजेचे असल्याने रोटरीने पुढाकार घेत बदलापुरात आरोग्य शिबिर घेतले होते. शिबिराला सकाळी १० वाजता सुरुवात झाली. यात रक्तदाब, रक्त शर्करा, हिमोग्लोबिन, दात, डोळे, हाडे, ई.सी.जी. आणि स्त्रियांचे आरोग्य या तपासण्या करण्यात आल्या. डॉ. चेतन महाजन, डॉ. सुमेध किर्डक, डॉ. सविता जावडेकर, डॉ. नीलेश विभुते, डॉ. इंद्रायणी चांदुरकर, डॉ. अश्विनी कवठणकर, डॉ. शकुंतला चुरी, डॉ. विद्या राठोड, डॉ. प्रियंका सदावर्ते, डॉ. प्राची विभुते या बदलापुरातील ख्यातनाम डाॅक्टरांनी आपला अमूल्य वेळ दिला. शिबिरासाठी अध्यक्ष अमित पाध्ये, अक्षदा पाध्ये, सचिव संतोष बने, प्रकल्पप्रमुख कपिल कवठणकर, अमोल उबाळे, पराग पोतनीस यांच्यासह इतर सभासदांनी परिश्रम घेतले.