मेक्सिकोची मल्लखांबपट्टू मुंबई भेटीवर

कांदिवली, ता. १५ (बातमीदार)ः मेक्सिकोतील मल्लखांबपटू सब्रीना यांनी कांदिवली येथील समता क्रीडा भवनला नुकतीच भेट दिली. या वेळी मल्लखांबपटूंशी संवाद साधताना त्यांनी सराव अभ्यासदेखील केला.
मेक्सिकोतील मल्लखांबपटू सब्रीनाला मुंबईतील मल्लखांब प्रशिक्षण केंद्राला भेट देऊन सरावाची पद्धत तसेच मल्लखांबपटूंविषयी जाणून घ्यायचे होते. यासाठी त्यांनी कांदिवली येथील समता क्रीडा भवनला भेट दिली. या वेळी मल्लखांब विश्वविजेता दीपक शिंदे तसेच शिवछत्रपती पुरस्कारप्राप्त गणेश शिंदे, प्रशिक्षक उमेश साळवी यांच्यासोबत त्यांनी संवाद साधला. तसेच समता क्रीडा भवनमध्ये सरावदेखील केला. विश्वविजेता दीपक शिंदे याच्याकडून त्यांनी काही गोष्टी जाणून घेतल्या. एक विदेशी मल्लखांबपटू कांदिवलीत येऊन सराव करते, याबद्दल सर्वांनाच कुतूहल होते.
--------------------------------------------
विशेष सत्कार
समता क्रीडा भवनमध्ये येऊन सराव करणाऱ्या परदेशी मल्लखांबपटू सब्रीनाचा माजी मंत्री विजय (भाई) गिरकर यांच्या हस्ते छत्रपती शिवाजी महाराजांची मूर्ती, शाल, श्रीफळ व रोप, लाकडी मल्लखांबाची लहान प्रतिकृती देऊन सत्कार करण्यात आला.
---------------------------------
एका विदेशी मल्लखांबपटूने समता क्रीडा भवनमध्ये येऊन सराव केला. सर्वांशी चर्चा करीत प्रात्यक्षिके केली.
- संजय बाविस्कर, सचिव, समता क्रीडा भवन